Amuri...

Da Ospite Mer 21 Mar 2012, 9:37 am

Sutta la to finestra ci siminasti i sciuri
e dopu cincu misi garofani sbucciaru
su tutti bianchi e russi
comu la to facciuzza,
bedda tu si nicuzza comu li sciuri to

nicuzza duci,nicuzza bedda
dunami dunami na vasatedda
amuri miu,gioia di l'arma
ni lu me cori lu focu carma
sugnu capaci pi ttia suffriri
siddu nu m'ami è megghiu muriri
siddu pi zitu tu scegli a mia
iu ti maritu quannu voi tu...

Fra tanti spasimanti sciglisti a mia pi zitu,
chi gioia ca mi dasti,
mi sentu to maritu
nicuzza 'nzuccarata, dammi na vasatedda
gioia, quantu si bedda, la vita mia si tu!

nicuzza duci,nicuzza bedda
dunami dunami na vasatedda
amuri miu,gioia di l'arma
ni lu me cori lu focu carma
sugnu capaci pi ttia suffriri
siddu nu m'ami è megghiu muriri
siddu pi zitu tu scegli a mia
iu ti maritu quannu vo tu.

Da Ospite Mer 21 Mar 2012, 4:19 pm

un tempo gli amori nascevano dentro delle serenate...
oggi... non esiste più,
e per gli innamorati dell'amore
questi canti sono carezze al cuore...

Amuri... 650269930

Da Ospite Lun 26 Mar 2012, 7:42 am

Era di notti e chiuviva chiuviva,
e a picciridda si susi d'o littu,
e ne so matri chianginnu curriva
"stringimi forti cchiù forti, cchiù forti!".

Ma ammenzu a sciata quarcunu cantava
Ccu la so vuci di piuma e di braci
A so chitarra stringiva e sunava
la canzuna ca sbamba lu luci.

A sò puisia passava li mura,
era di notti e chiuviva, chiuviva,
ma a picciridda ne dda stanza 'o scuru
u senti forti e ci passa lu scantu.

A picciridda che pidi di sita
nesci dda ffora e chiuviva chiuviva,
s'avvicinò a dda vuci affannata
stizza ogni stizza* chiossà la brusciava.

Dissi a dda vuci di focu e di ventu
"stringimi forti cchiù forti, cchiù forti!"
cca tò canzuna mi passò lu scantu
annaca e astuta stu cori ca sbamba*

Era di notti e cchiù nun chiuviva
e ammenzu a sciata quarcunu cantava
'na puisia di paci e turmentu,
forsi luntanu quarcunu ascutava.

Intra lu littu ne dda stanza 'o scuru,
c'era na fimmina e no 'na carusa:
ccu na canzuna ci passò lu scantu
cantu di vuci di braci e di piuma.

Da Contenuto sponsorizzato

Amuri...

Amuri...

Re: Amuri...

Re: Amuri...

Re: Amuri...